彝族文化网络博物馆（2001年创建）
图书简介：
该书是关于农业种植技术的图书之一。
ꇬꂾꅇ
ꆈꌠꁱꂷꄯꒉ《ꂿꑘꇖꊩꄟꃀ》ꋌꋐꆹ,ꂿꑘꁡꇤꑘꃅꒃꅐꌋꆀꊿꐥꐨꇮꇐꏡꁈꃆꂮꁱꇐ150ꁬꌊꏓꄻꄉꋐꉬ.ꁱꇐꋋꈨꆹꉬꇮꃅꆃꎭꑍꄜꆈꌠꁱꂷꁬꌠꇬ1991ꈓ8ꆪꅑꅸ1996ꈓ12ꆪꇬꌌꄀꇰꋺꌠ600ꁬꎖꈧꌠꇬꄉꅦꌋꌊꏓꄻꀱꄉꌠꉬ.ꁱꇐꋋꈨꈐꏭꆏ,ꋦꁧꊪꏽꌤꑘꐥꇐꉘꉚꌤꑘꌋꆀꊿꐥꃆꂮꑠꌕꑵꐊ.ꁱꇐꋋꈨꉬꇮꆃꎭꆈꌠꃅꄷꐛꃆꐛꂮꇬꉜꄉꁱꄉꈨꉬꌠꉨ,ꆀꃅꆸꈄꉹꁌꈉꐨꇬꊒ,ꀘꌒꌷꌒꑠꋐꉬ.
ꄯꒉꋌꋐꏓꄻꅐꌠꆹ,ꇮꇐꏡꁈꇇꌭꎭꂿꑘꊿꁵ,ꇮꇐꏡꁈꌊꌢꎭꌠꄖꄑꆹꐪꇬꈴꄉ,ꆀꃅꆸꈈꂿꆫꑘꌋꆀꊿꐥꐨꀊꅰꃅꀻꎆꆹꌠꇬꈐꊟꊋꊡꌠꉬ.ꄯꒉꋌꋐꅐꊂꆏ,ꂿꑘꁡꇤꉹꁌꃅꇬꉚꏾꇫꁌꒉꋐꐛꎂꀕ.
目 录：略
